නෙවිල් ප්‍රනාන්දු රෝහල රජයට පවරා ගනී

මාලඹේ නෙවිල් ප්‍රනාන්දු රෝහල රජයට පවරා ගැනීමේ කටයුතු අද (17) පෙරවරුවේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් එම රෝහලේදී සිදු කෙරිණි.

නෙවිල් ප්‍රනාන්දු රෝහලේ හිමිකරු වෛද්‍ය නෙවිල් ප්‍රනාන්දු මහතා සහ සෞඛ්‍ය අමාත්‍යාංශය වෙනුවෙන් එහි ලේකම් ජනක සුගතදාස මහතා ඊට අදාළ ගිවිසුමට අත්සන් තැබූහ.

ඒ අනුව අගෝස්තු 01 දා සිට මෙම රෝහල රජයේ රෝහලක් ලෙස ක්‍රියාත්මක කෙරේ.

ශික්ෂණ රෝහලකට අවශ්‍ය සියලූ පහසුකම්වලින් සමන්විත මෙම රෝහල රුපියල් බිලියන 3.5 ක වටිනාකමකින් සමන්විතය.

අක්කර 05 ක භූමිභාගයක හරිත සංකල්පය අනුව ගොඩනගා ඇති නෙවිල් ප්‍රනාන්දු රෝහල වර්ග අඩි 180,600 කින් යුක්තවන අතර මහල් 04 කින් යුත් ගොඩනැගිල්ලක් සහ මහල් 08 ක ගොඩනැගිලි දෙකකින් මෙය සමන්විතය.

සෞඛ්‍ය අමාත්‍ය රාජිත සේනාරත්න, උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල, සෞඛ්‍ය නියෝජ්‍ය අමාත්‍ය ෆයිසාල් කසීම් යන මහත්වරුන් ද වෛද්‍ය නෙවිල් ප්‍රනාන්දු මහතා ඇතුළු පිරිසක් මෙම අවස්ථාවට එක්ව සිටියහ.

01-12-1024x690

02-13-1024x341

04-10-1024x663

05-7-1024x509

06-7-1024x604

07-6-1024x613

15-2-1140x593

16-2-1024x558 17-1024x578 18-1024x683

Leave a Reply

Your email address will not be published. Required fields are marked *